22 يوم في الأردن صامد ضد كل محاولات الخضوع للزن واستدراج العاطفة للذهاب لرؤية بنت الحلال
بعد 22 يوم وفي لحظه صفا, قلت خلص بكفي دلع
أكيد حظي تغير والناس مش زي بعض
ناديت الحجة وقلتلها أبشري, اجاكي الفرج
خلص نويت أزور واشوف بنت الحلال
تهلل وجهها فرحا بعد فقدان الأمل
قلتلها, بس على شرط, راح أشوف بنت واحدة فقط
أحضرت دفتر العرائس واختارت أحسنهن جمالا وعلما وأدبا ونسبا, وقالت يورريكا, هاي هي
قلت لها, جواب نهائي, قالت نعم
مسكت الموبايل ودقت على ام البنت 079 والباقي ما تغير
اييييييه ,,,,, الموبايل مغلق
جربي كمان مرة يا حجة, كمان مغلق
طيب أعطيني اطلب الرقم يمكن انت مخربطة
كمان مغلق,,,,
جربي بعد ساعة ساعتين, يوم ,,,, كمان مغلق
استنى يا مرمر, في رقم أبوها عنا كمان
اجا الفرج
دق على رقم حماي العزيز, برن ومش راضي يرد
ضحكه شريرة مني, مش بقلك يا حجة انا ما الي حظ
والله في ناس لو بدها تشتغل بحفر القبور غير كل الناس تضل عايشه