كلمات اغاني السيدة فيروز

بناديلك يا حبيبي

بناديلك يا حبيبي ما بتسمعلي ندا
و لا التلات القريبة بترجعلي الصدا
كأنك ما حدا ضايع بهالمدى
حبيبي يا حبيبي ما لي غيرك حدا
ما لي غيرك حبيب يسأل عني سؤال
و يبقى مني قريب و يسألني كيف الحال
و يسمعني كلام يغمرني بالسلام
و عا صوتو إغفى و غيب عا نغمات الحدا
و لو بعرف إنت وين ساكن و بأيا بلاد
لطير بغفوة عين صوبك عيد أعياد
بعيد عمرك عيد و لعيوني عيد جديد
نكمل هالعمرين عالمها و عالهدا

بيي راح مع هالعسكر

بيي راح مع هالعسكر حمل سلاح راح و بدر
بيي على بيي عمر حارب و إنتصر بعنجر
ختلك زوادة عالكرم البلوادي
قلتلك خبرني حكايي حكيتلي عابلادي
شفت جبال العم تتمخطر و مزارع تخضر و تكبر
و لما طلعنا سويي عالضيعة الجرديي
قلتلك هالسمرا حلوي بس بعيدي عليي
قلتلي في صفرا أكبر بدنا نتعب فيها أكتر
يا بو السيف القاطع ملعب خيلك واسع
و قواص الزيني منصوبي لعزك إنتا و راجع
و الصبايا ترش العنبر و بلادي عإيدك تعمر

بدي خبركن

بدي خبركن قصة زغيرة زغيرة القصة و أنتوا زغار
منحكي و بتصير الليلة قصيرة بكرا انشالله تصيروا كبار
ليلة عيد فرح جديد و الأطفال أنوعدوا بالطفل السعيد
غنيات لعب و زينات و تتزين السجرة للميلاد السعيد
و كان في ولاد نسيت الأعياد نسيت تزورن بليلة الميلاد
بيتن بعيد و القرش بعيد و ما عندن تيزينوا سجرة الميلاد
صاروا يصلوا يركعوا يصلوا و يمكن صلاتن بكت الدنيي
و كان في برا عندن سجرة سجرة عمرا شي ميت سني
و في رف عصافير ملون حلو كتير و بدوا يبيض و ما بقى بكير
غط بهالسجرة صارت صفرا و حمرا و طلوا الولاد و تزينت السجرة
و فرحوا كتير بالزينة البتطير و صاروا يغنوا و يغنوا العصافير
ونزل العيد عيد معن العيد و من عابكرا سلموا و طاروا العصافير
خبرناكن قصة زغيرة زغيرة القصة و أنتوا زغار
حكينا و صارت الليلة قصيرة و بكرا انشالله تصيروا كبار

ــــــــــــــــــــــــــــــــــــــــــ

بكوخنا يا بني

بكوخنا يا بني بهالكوخ الفقير
و التلج ما خلى و لا عودة حطب
و الريح عم يصفر فوق منو صفير
و تخزق بهالليل من جيرة قصب
وقفوا عشباكك يدقوا العصافير
بجوانحن يا جوانحن المتشرنين
جايين يتلطوا عا كتر الزمهارير
و رفيقك البلبل شو مشتقلك كتير
مخبيلك بعبو شي ميت سوسني يا بني
على واق لو فيي يا عيني لاطير
اتفقدك يا رجوتي بعدك زغير
عمرك و عمر العطر ما كفوا السني
و شو الدنيي يا بني و شو طعم الدنيي
ما هبجت وجيي إيديك الحرير
شو الجرس هالحامل بشارة العيد
شو ألف عيد و ألف أنينة نبيد
صوتك اليتدحرج بقلبي و عم يضيع
نازل عن التلة بهالوادي البعيد
حامل بإيد الصبح و بأيد الربيع
و من يوم هالغيبي و الله يسامحك
عم فرفت بهالفل عم قطف ريحان
عم بستعير من السما أجمل ألوان
و خرطش عا هالحيطان لنو ملامحك
و هالقلب عم حفو على اجريين السرير
عم مرمغو بلعبك بمطارحك بفراشك
بريحة ريشات جوانحك
بغبرة حوافر حصانك هالزغيري يا بني

بدنا نكمل

غربة
هدتكن الإشاعات
فاجئتنا يا غربة
لما ودعتو اليأس و لفحتكن ريح الشمس رجعت إليكن تبني و تعمر
صوت أعيادكن خزق سمعهن فرح معاولكن بالأرض بشرهن بهدم براجن
حبوا يردوكن عاليأس
عم يقولوا بدن يعتقلوا ناس كتير
لا تخافوا ما في حبوسه تسع كل الناس
يعتقلوا كتير بيبقى كتير بللي بيبقوا رح منكمل
غمر الطوفان الأرض و رجعوها اللي بقيو
هدمت الحروب المدن و عمروها اللي بقيو
استعبدوا الظلام الناس حرروهن اللي بيقو
بدنا نكمل المشوار و قلال يكون منكمل بللي بقيو
بدنا نكمل بللي بقيو قلال قلال يكون شو هم منكمل بللي بقيو
كتار قلال منكمل بللي بقيو
يا هالناس يا أهلي أنا و بالأرض الغريبي
همومكن كانت توصلي بكي ولادكن بالليل كان يصرخلي
أنا و بالأرض الغريبي حزنكن ربي معي
حزنكن حرسني حفظني كبرني و حزنكن رجعني
لوحلي من الغيم حاكاني من الصيف
ندهني من تموز من ذل الإنتظار بالمدن الغريبي
و كانت أصواتكن تندهلي

بيروت هل ذرفت

بيروت هل ذرفت عيونك دمعة إلا ترشفها فؤادي المغرم
أنا من ثراك فهل أضن بأدمعي في حالتيك و من سمائك ألهم
كم ليلة عذراء جاذبها الهوى أنا و العنادل و الربى و الأنجم
فدت المنائر كلهن منارة هي في فم الدنيا هدى و تبسم
ما جئتها إلا هداك معلم فوق المنابر أو شجاك متيم
بيروت يا وطن الحضارة و النهى الحب بيني و الجفاء يهدم

ــــــــــــــــــــــــــــــــــــــــــ

بغداد

بغداد و الشعراء و الصور ذهب الزمان و ضوعه العطر
يا ألف ليلة يا مكملة الأعراس يغسل وجهك القمر
بغداد هل مجد و رائعة ما كان منك إليهما سفر
أيام أنت الفتح ملعبه أنا يحط جناحه المطر
أنا جئت من لبنان من وطن إن لاعبته الريح تنكسر
صيفاً و لون الثلج حملني و أرق ما يندى به الزهر
يا من يواجدني و ينكرني حذراً و إن طريقنا الحذر
بيني و بينك ليس من عتب حييت تنكرني و تعتذر
أنا لوعة الشعراء غربتهم و شجي ما نظموا و ما نثروا
أنا حب أهل الأرض يزرعني وتر هنا و يشيل بي وتر
عيناك يا بغداد أغنية يغنى الوجود بها و يختصر
لم يذكر الأحرار في وطن إلا و أهلوك العلى ذكروا

ــــــــــــــــــــــــــــــــــــــــــ

بقطفلك بس

بقطفلك بس هالمرة هالمرة بس عا بكرا عا بكرا بس شي زهرا شي زهرا حمرا و بس
و لا بدي شي بعد الا داريك بيتي بيصير وعد لما بحاكيك
يا ويل عيوني كيف بتندهلك متل المجنونة بتصير تقلك
بحلم و بضل شهر بالي مشغول بيطلعلي قول شعر ما بعرف قول
بتذكر مرة سهرنا بخيمة و بهاك السهرة وشوشتك كلمة

ــــــــــــــــــــــــــــــــــــــــــ

بكتب اسمك يا حبيبي

بكتب اسمك يا حبيبي عالحور العتيق
تكتب اسمي يا حبيبي عرمل الطريق
بكرا بتشتي الدنيي عالارصف المجرحه
بيبقى اسمك يا حبيبي و اسمي بينمحى
بحكي عنك يا حبيبي لأهالي الحي
بتحكي عني يا حبيبي لنبعة المي
و لما بيدور السهر تحت قناديل المسا
بيحكوا عنا يا حبيبي و أنا بانتسى
و هديتني وردة فرجيتا لصحابي
خبيتا بكتابي زرعتا عالمخده
هديتك مزهرية لا كنت تداريها
و لا تعتني فيها تاضاعت الهدية
و بتقلي بتحبني ما بتعرف قديش
ما زالك بتحبني ليش دخلك ليش

ـــــــــــــــــــــــــــــــــــــــــ

بعدك على بالي

طل و سألني اذا نيسان دق الباب
خبيت وجيي و طار البيت في و غاب
حبيت افتحلو عالحب اشرحلو
طليت ما لقيت غير الورد عند الباب
بعدك على بالي يا قمر الحلوين
يا زهرة بتشرين يا دهبي الغالي
بعدك على بابي يا حلو يا مغرور
يا حبق و منتور على سطح العالي
مرق الصيف بمواعيدو و الهوى لملم عناقيدو
و ما عرفنا خبر عنك يا قمر و لا حدا لوحلنا بإيدو
بتطل الليالي و بتروح الليالي و بعدك على بالي

ــــــــــــــــــــــــــــــــــــــــــ

بحبك ما بعرف

بحبك ما بعرف هن قالولي
من يومها صار القمر أكبر عتلالنا
و صارت الزغلولي تاكل عأيدي اللوز و السكر
بحبك ما بعرف حب لا تشدني بأيدي
عنهر بدنية هنا جديدة و إنغب
لأ دخلك هيأتني رح طير مرجحتني بقلبك
تركني بعد بكير بكير تركني حبك يا حلو بحبك

بيقولو بكتب الهوى

بيقولوا بكتب الهوى اللي بيحب ما بينسى
بيقولوا بكتب الهوى عالبعد القلب بيقسى
بيقولو بالقصايد عن حال العشاقيين
شوقن بيضلو زايد بيضلوا مشتاقيين
إلا ما بيتلاقوا سوا ما بتهدى نار الهوى
هلق وردي جايي تسهر لا هي زعلاني و لاشي
إذا وردي إجت تسهر بترك السهرة و بمشي
ما بيصير تروح
رح روح
إجت وردي
سعيدي سعيدي
أهلا بوردي
سهريي سعيدي
قعدي يا وردي
ما بيسوى روح هلق كرمال الموجودين
كيف حالك يا وردي؟
مليحة
و لوه صوتا شو حنون
ليش واقف إقعد
إيه إقعد
إيه نقعد
و السهرة سهرة الحب

بروحي تلك الأرض

بروحي تلك الأرض ما أطيب الربى و ما أحسن المصطاف و المتربع
و أذكر أيام الحمى ثم أنثني على كبدي من خشية أن تصدع
و ليست عشيات الحمى برواجع إليك و لكن خلي عينيك تدمع
كأنا خلقنا للنوى و كأنما حرام على الأيام إن نتجمع

بقولو زغير بلدي

بيقولوا زغير بلدي بالغضب مسور بلدي
الكرامي غضب و المحبي غضب و الغضب الأحلى بلدي
و بيقولوا قلال و نكون قلال بلدنا خير و جمال
و بيقولو يقولوا شم هم يقولوا شوية صخر و تلال
يا صخرة الفجر و قصر الندي يا بلدي
يا طفل متوج عالمعركي غدي يا بلدي
يا زغير و بالحق كبير و ما بيعتدي يا بلدي

بالغار كللت

بالغار كللت أم بالنار يا شام أنت الأميرة تعلو بإسمك الهام
أواه بضع غمامات مشردة في الأفق بعض روئاً و البعض أحلام
سألتهن أظللتنها صبحاً شام التي وحدها للعود أنغام
ما ألهمتني من صوت خلدت به كذا يخلد شك السيف مقدام
و طالعتني ليال من بطولتها حمر تغاوت لها في الريح أعلام
كأنما نضجت خضر المواسم من هوى أغاني و الأشعار أيام
ختام تشرين هل ناس أوائله إذ هب يعتصر العنقود كرام
يا شام سكبك مجد ما يكون إذا بملئ كفك دفقاً أفرغ الجام
أقول خالد شج الشعر مندفعاً و خط طارق فوق البحر رسام
يا شام لبنان حبي غير أني لو توجع الشام تغدو حبي الشام

بحبك يا لبنان

بحبك يا لبنان يا وطني بحبك
بشمالك بجنوبك بسهلك بحبك
تسأل شو بني و شو اللي ما بني
بحبك يا لبنان يا وطني
عندك بدي إبقى و يغيبوا الغياب
إتعذب و إشقى و يا محلا العذاب
و إذا إنتا بتتركني يا أغلى الأحباب
الدنيي بترجع كذبة و تاج الأرض تراب
بفقرك بحبك و بعزك بحبك
أنا قلبي عاإيدي لا ينساني قلبك
و السهرة عا بابك أغلى من سني
و بحبك يا لبنان يا وطني
سألوني شو صاير ببلد العيد
مزروعة عالداير نار و بواريد
قلتلن بلدنا عم يخلق جديد
لبنان الكرامي و الشعب العنيد
كيف ما كنت بحبك بجنونك بحبك
و إذا نحنا إتفرقنا بيجمعنا حبك
و حبة من ترابك بكنوز الدنيي
و بحبك يا لبنان يا وطني

بكرا بيجي نيسان

بكرا بيجي نيسان يسألنا
وبيرش وردو عا منازلنا
منخبرو شو صار منسمعو الأشعار
يللي كنت فيها تغازلنا
بكرا بيجي نيسان يغوينا
ويموج زهورو بروابينا
منحكيلو عالي كان منسمعو الألحان
يللي كنت فيها تناجينا
ناطرين تلوح يا حلو و تبوح
وتسمع شكاويك للوردات
ناطرين نضيع عالدرب وتشيع
عن هوانا بهالدنيي حكايات
بكرا بيجي نيسان يسعدنا
وعاتلال أحلامو يبعدنا
منتيه شردانين عا دروب مخضرين
وأرض الهوى والحب موعدنا

ــــــــــــــــــــــــــــــــــــــــــ

بيسان

كانت لنا من زمان
بيارةُ جميلة و ضيعة ظليلة
ينام في أفيائها نيسان
ضيعتنا كان أسمها بيسان
خذوني إلى بيسان
إلى ضيعتي الشتائية
هناك يشيع الحنان على الحفافي الرمادية
خذوني إلى الظهيرات إلى غفوة عند بابي
هناك مدت علات أعانق صمت التراب
أذكر يا بيسان يا ملعب الطفولة أفيائك الخجولة
و كل شئ كان بابٌ و شباكان
بيتنا في بيسان
خذوني مع الحساسين إلى الظلال التي تبكي
رفوف من العائدين على حنين لها تحكي
خذوني إلى بيسان

ــــــــــــــــــــــــــــــــــــــــــ

بيقولوا الحب

بيقولوا الحب بيقتل الوقت و بيقولوا الوقت بيقتل الحب
يا حبيبي تعا تا نروح قبل الوقت و قبل الحب
بديت القصة تحت الشتي بأول شتي حبو بعضن
و خلصت القصة بتاني شتي تحت الشتي تركوا بعضن
حبو بعضن ... تركوا بعضن
يا حبيبي شو نفع البكي شو إلو معنى بعد الحكي
مازالا قصص كبيري و ليالي سهر و غيري بتخلص بكلمي زغيري
حبو بعضن ... تركوا بعضن
و كانت القصة تحت الشتي بأول شتس حبو بعضن
و خلصت القصة بتاني شتي تحت الشتي تركوا بعضن
حبو بعضن ... تركوا بعضن

بيني و بينك

بيني و بينك يا ليل في حب و غنيي
على بابي بتقعد يا ليل و منسهر ليلي
بيني و بينك في أسرار و بتعرف أحزاني
تبقى إمرقلي عاهاك الدار و قلو ما ينساني
فيق البيت العتيق غافي على الطريق و غافي حدو الزمان
يمكن بكرا الحبيب يمرق متل الغريب و ما يذكر اللي كان

تك تك تك يام سليمان

تك تك تك يام سليمان
تك تك تك جوزك وين كان
تك تك تك كان بالحقلة
عم يقطف خوخ و رمان
يا ستي يا ست بدور
شوفي القمر كيف بيدور
و الناطورة بدا شمس
و الشمس بعقد المرجان
عمي يا عم الحطاب
خلينا نلعب عالباب
و الجارة بدا قمحة
و القمحة عند الطحان
يا جدي يا جد التلج
لحيتك غطت عالمرج
و الهوا بدو خيمة
و الخيمة بدا خيطان
وينني الجمال يحني بالقنطرة
شو طعميناهن قمح و درة
شو سقاينهن ميي معطرة
يا عمي الغراب جوزني بنتك

ــــــــــــــــــــــــــــــــــــــــــ

تلج تلج

تلج تلج عم بتشتي الدنيي تلج
و النجمات حيرانين و زهور الطرقات بردانيين
تلج تلج عم بتشتي الدنيي تلج
و الغيمات تعبانين عالتلة خيمات مضويين
و مغارة سهرانه فيها طفل صغير
بعيونو الحلياني حب كتير كتير
تلج تلج عم بتشتي الدنيي تلج
كل قلب كل مرج زهر فيه الحب متل التلج
و جاي رعيان من بعيد
هون يا رعيان العيد
تلج تلج شتي خير و حب و تلج
على كل قلب و على كل مرج
ألفة و خير و حب متل التلج

تانجو يا زنبق

يا زنبق يا غاوي بسياجو
و مفيي بوراقك عدراجو
عالزهر الهني الليلكي
بيجي يتكي و بيطول الحكي
يا بلبل بخيال عناقيدو
بتقله ما ينسى مواعيدو
ودينا لشباكو يمام و لقلبو ملام و لعيونو سلام
ميل يا ستار و تيه عالدار
لوح للعين جنات و زرار

تبقى ميل

تبقى ميل تبقى اسأل متل الأول ضل اسأل
الله لا يشغلك بال وديلي منك مرسال ... أسأل أسأل
أنا ما بدي تجي و تقول أعذريني مشغول
لفتة من بعيد بتكفيني و قلبي لك على طول
لا توديلي الزهر سلال و بالشوق تجرح موال
بس اسألني كيف الحال اسأل اسأل
سهرات القمر الحلوين هجرونا من سنين
زعلوا ناس و رضيوا ناس و نحنا المنسيين
أيام تغرب و قبال عينيي عالدرب خيال
و بلبل عاشق غط و قال اسأل اسأل

تراب عينطورة

هالله الله يا تراب عينطورة يا ملفى الغيم و سطوح العيد
ستي من فوق لو فيي زورا راحت عالعيد و العيد بعيد
هالله الله يا دار محبوبي ناطرنا الضيف عاباب الدار
صورنا فوق عالفي مكتوبي مكتوبي خبار و العمر خبار
يا صيف جديد يا حب جديد و أنا ناطر يا عنب الأشقر تاتصير نبيد
بيتك هالليل و الليل غنيي و سطوحك غيم و الزيني فوق
يا حبيبي لا تعتب عليي جايبني صوبك طير الشوق
راحت مواعيد رجعت مواعيد بدر حظورك يا حبيبي و ناطر لنعيد

» كلمات اغاني الفنان حمادة هلال
» فيروز تحتفي بجمهورها في البحرين
» اغاني العندليب الاسمر .. مكتوبة ..